Əfqanıstan Ordusu Talibanın zəbt etdiyi rayon mərkəzlərindən ikisini geri alıb

Əfqanıstan ordusu Taliban hərəkatının ötən gün zəbt etdiyi altı rayon mərkəzindən ikisini bu gün geri alıb.

Bu barədə ölkənin Müdafiə Nazirliyi bəyanat verib.

Bildirilib ki, bu gün Taxar əyalətinin Bəngi və Xacə-ğar rayon mərkəzləri Taliban hərəkatından geri alınıb.

Taliban ötən gün Taxar və Faryab əyalətlərində altı rayon mərkəzini nəzarətə götürdüyünü elan etmişdi.

Qeyd edək ki, bu hücumlar ABŞ və NATO qüvvələrinin ölkədən çıxması və Dohada sülh danışıqlarına hazırlıqlar fonunda baş verir. Əfqanıstan KİV-lərinin məlumatına görə bu hücumlar fonunda ölkə prezidenti Əşrəf Qəni cari həftədə ABŞ-a səfər edəcək.

Salamnews