Əfqanıstanda Ukrayna təyyarəsi oğurlandı

Keçən həftə ukraynalıları Əfqanıstandan təxliyə etməli olan Ukrayna təyyarəsi naməlum şəxslər tərəfindən ələ keçirilib və başqa sərnişinləri İrana aparıb.

Bu barədə Ukrayna xarici işlər nazirinin müavini Yevgeniy Yenin “Gromadske Radio”ya verdiyi açıqlamada bildirib.

Bildirilib ki, Kabilə ukraynalıların təxliyəsi üçün göndərilmiş təyyarə ötən həftənin bazar günü hava limanında bir qrup naməlum şəxslər tərəfindən ələ keçirilib.

Qeyd edilib ki, təyyarənin sərbəst buraxılması və boşaldılması üçün danışıqlara baxmayaraq naməlum şəxslər ona minərək bu gün İran istiqamətində uçublar.

Məlumata görə naməlum şəxslər bu yolla Əfqanıstandan çıxıblar.

Apa