Əfqanıstandaxili danışıqlar fonunda Talibanın 125 üzvü silahlarını orduya təhvil verib

Əfqanıstanda hökumətlə Taliban arasında sülh danışıqlarının aparılması fonunda ölkənin Bəlx əyalətində yüzdən çox silahlı silahlarını orduya təhvil verib.

İnterAz SalamNews -a istinadla xəbər verir ki, bu barədə Bəlx əyalətinin Çahar-Kənd rayonunun Qubernatorluğundan məlumat verilib.

Bildirilib ki, Əfqanıstandaxili danışıqlarının istiqamətində bəzi bölgələrdə sülh addımları atılmağa başlayıb.

Əlavə edilib ki, Çahar-Kənd rayonununda Talibanın 125 üzvü silahlarını ordu qüvvələrinə təhvil veriblər.

Taliban hələ məsələyə münasibət bildirməyib.

Qeyd edək ki, Dohada aparılan Əfqanıstandaxili danışıqlar ötən ay başlayıb və artıq bir həftədir dayanıb.