Əfqanıstanın şərqində bir helikopter qəzaya uğrayıb, ölənlər var
Əfqanıstanın Nəngərhar əyalətində bir helikopterin qəzaya uğraması nəticəsində 2 nəfər həyatını itirib.
SalamNews ToloNews-a istinadla xəbər verir ki, bu barədə Əfqanıstanın Müdafiə Nazirliyi bəyanat verib.
Bildirilib ki, Nəngərhar əyalətində ordunun bir ədəd M-17 helikopteri eniş edərkən qəzaya uğrayıb.
Helikopter ekipajından iki nəfər həyatını itirib və daha iki nəfər yaralanıb.
Helikopterin texniki nasazlıqdan qəzaya uğradığı deyilir.
