Əl-Əqsa məscidində 30 min fələstinli cümə namazına toplaşıb
Fələstin mənbələri 30 min fələstinlinin Əl-Əqsa məscidində cümə namazına qatıldığını bildirib.
Qüds İslam Vəqfi Təşkilatı elan edib ki, sionist rejimin Qüds şəhərindəki məhdudiyyətlərinə baxmayaraq, bu gün Mübarək Əl-Əqsa məscidində 30 mindən çox insan cümə namazına qatılıb.
Nablusun cənubunda baş verən qarşıdurmalarda 5 fələstinli yaralanıb.
Fələstin Qırmızı Aypara Cəmiyyəti Nablusun cənubundakı Cəbəl Səbih ətrafında fələstinlilərlə İsrail işğalçıları arasında baş verən qarşıdurmada 5 nəfərin yaralandığını, onlarla insanın gözyaşardıcı qazdan təngnəfəsliyə düçar olduğunu bildirib.
Fələstin mənbələri də işğalçı qüvvələrin işğal altındakı Qüdsün Səlvan qəsəbəsinə hücum etdiyini bildirib.
Qarşıdurma ilə bağlı əlavə məlumat verilməyib.
