Əl-Əzhər universitetinin ali imamı Ayətullah Sistani ilə tarixi görüş keçirəcək
Misirin paytaxtı Qahirədə yerləşən sünni dünyasının ən məşhur sayılan Əl-Əzhər universitetinin ali imamı şeyx Əhməd əl-Tayyib gələn ayın əvvəlində İraqa səfər edəcək.
Bu barədə İraqın əl-Furat telekanalı məlumat yayıb
Məlumatda bildirilir ki, səfər çərçivəsində şeyx Nəcəf-Əşrəf şəhərinə gedəcək və İslam dünyasının böyük alimi olan Ayətullah Seyyid Əli Sistani ilə görüşəcək.
Həmçinin məlumatda vurğulanır ki, Əl-Əzhərin şeyxi Nəcəfdə və Kərbəlada imamların qəbrini ziyarət edərək, digər şiə din alimlərilə görüş keçirəcək.
Qeyd edək ki, 2003-cü ildən bəri Əl-Əzhər şeyxi Əhməd əl-Tayyib İraqa səfər etməyib.
Faktxeber
