“Əl-Mayadin”: ABŞ İŞİD məhbuslarını Suriya-İraq sərhədinə köçürüb

Eastnews.org-un verdiyi xəbərə görə, yerli mənbələr ABŞ-ın İŞİD məhbuslarını Suriya hökumət qüvvələri mövqelərinə hücum etmək üçün İraq-Suriya sərhədinə köçürdüyünü bildirib.

“Əl-Məyadin” Suriyadakı mənbələrinə istinadən ABŞ ordusunun İŞİD məhbuslarını vertolyotla əl-Haksa əyalətindəki İraqla sərhəddə yerləşən bir neçə həbsxanadan nəql etdiyini bildirib.

Mənbə bildirib ki, ABŞ vertolyotları hər gün İŞİD məhbuslarını Suriyanın şimal-şərqindəki Qoyran və Sinaa həbsxanalarından gündəlik olaraq ABŞ-ın İraqdakı bazalarına aparır.

Məlumata görə, əksəriyyəti iraqlı olan bu İŞİD məhbusları Qoyran idman kompleksində toplanır və sonra ABŞ ordusunun nəzarəti və rəhbərliyi altında vertolyotla sərhədə çatdırılır.

100-dən çox məhbus İraq sərhədinə aparılıb, Suriya ordusu və müttəfiqlərinin Suriya və İraq çöllərindəki mövqelərinə hücum etmək üçün silahlandıqdan sonra sərbəst buraxılıb.

Xəbərdən bir neçə həftə əvvəl Suriyanın rəsmi informasiya agentliyi ABŞ qüvvələrinin şimal-şərqdəki bir neçə həbsxanadan onlarla İŞİD terrorçusunu İordaniya sərhədindəki qanunsuz Tanf bazasına köçürdüyünü bildirmişdi.