Əliyev: Yeni beynəlxalq dəhliz İran vasitəsilə Naxçıvanla dünyanı birləşdirir
Azərbaycan prezidenti Ermənistan ərazisindən Azərbaycan Respublikası ilə Naxçıvan arasında əlaqənin olmamasına toxunaraq deyib: Bu rabitə İran vasitəsilə həyata keçiriləcək. İrandan Naxçıvana, oradan da bazarlara qədər yol tikintisi layihəsi hazırlanır.
Prezident İlham Əliyev Azərbaycan hökumətinin bu ilin birinci rübünün yekunlarına həsr olunmuş müşavirədə yekun nitqində deyib:
“İndi Qarabağda ermənilərin yaşadıqları yerdə qaz xətti nasaz vəziyyətə düşmüşdür və bir müddət qaz yox idi. Dünyaya hay-haray qaldırmışdılar ki, Azərbaycan burada humanitar fəlakət törədir. Naxçıvan qazını onlar 15 il kəsib belə vəziyyətdə saxlamışdılar. Naxçıvanda isə qış daha sərtdir. Haradasa şaxta mənfi 30 dərəcəyə çatır. Yaxşı, naxçıvanlılar 1990-cı ildən 2005-ci ilə qədər qazsız yaşamışlar. Kim məhrum etmişdi onları? Ermənilər və Ermənistan rəhbərliyi, Ermənistan dövləti”.
Bu sözləri Azərbaycan Respublikasının Prezidenti aprelin 12-də bu ilin birinci rübünün yekunlarına həsr olunan müşavirədə yekun nitqində deyib.
“Bir adam, bir təşkilat, bir ölkə səsini qaldırmışdı? Yox! Biganə idilər. Amma bir həftə Xankəndidə qaz olmayanda adam qalmayıb ki, bizə zəng etməsin – Amerikadan tutmuş Avropaya qədər. Birincisi, Avropanın özündə elə ölkələr var ki, orada qaz yoxdur, ümumiyyətlə yoxdur, qazlaşdırma aparılmayıb. İndi mən ad çəkmək istəmirəm. Elə ölkələr var ki, qazlaşdırmanın səviyyəsi 3-5 faizdir. Orada humanitar fəlakət hökm sürür? Bunlar bir həftə qazsız qalıblar, bu, humanitar fəlakətdir? Bəs, Naxçıvan 15 il qazsız qalanda niyə humanitar fəlakət deyildi. Sualdır bu. Bu suala cavab var? Var! İkili standartlar və ayrı-seçkilik.
Biz indi qazı bərpa etmişik və ermənilər bunu qiymətləndirməlidirlər. Biz, sadəcə olaraq, xoş niyyət göstərmişik. İstəməsəydik, bərpa etməzdik. Kim bizə söz deyə bilər? Biz borclu idik onu bərpa etməyə? Yox! Bərpa etdik, ümid edirik, onlar da anlayacaq ki, Azərbaycan vətəndaşlarıdır və onlar Azərbaycan bayrağı altında yaşamalıdırlar və yaşayacaqlar.
Bunu nə qədər tez başa düşsələr, onlar üçün o qədər yaxşı olacaq. Ona görə etmişik, humanizm göstərmişik. Amma Naxçıvanı qazsız qoyan o hadisəni heç vaxt unutmamışıq. Biz 2005-ci ildə İranla razılaşma əsasında İrandan Naxçıvana qaz çəkdik və Astaradan İran Astarasına qaz xətti çəkdik və svop əməliyyatları keçiririk. O vaxtdan bu günə qədər Naxçıvan belə təmin edilir, İrandan qaz alır. Amma bizim qazımız kəsilmişdir, bizim suyumuz kəsilmişdir”, – Prezident İlham Əliyev qeyd edib.
Azərbaycan Respublikasının əsas hissəsi ilə Naxçıvan arasında Ermənistan ərazisindən kommunikasiyanın yaradılması ilə bağlı Ermənistanın üzərinə götürdüyü öhdəliklərin yerinə yetirilməməsinə toxunan Azərbaycan Respublikasının Prezidenti qeyd edib:
Bu əlaqə İran vasitəsilə həyata keçiriləcək. İrandan Naxçıvana, oradan da dünya bazarlarına yol çəkilməsi layihəsi hazırlanır. Ümid edirəm ki, yaxın vaxtlarda qazma mərasimi keçiriləcək və bununla da beynəlxalq daşımalar üçün yeni dəhliz açılacaqdır.
İlham Əliyev çıxışının digər hissəsində Qərb dövlətlərinin Azərbaycan Respublikasının ərazi bütövlüyünün tanınmasına müqavimət göstərdiyini xatırladıb, Azərbaycan və Ukraynanın işğalı məsələsində ayrı-seçkiliyi öz ikili standartlarının növbəti nümunəsi adlandırıb və deyib:
İşğal zamanı, beynəlxalq təşkilatlarda fəaliyyətimiz zamanı, eləcə də ikitərəfli danışıqlar zamanı həmin bəyannamələrdə ölkəmizin ərazi bütövlüyü prinsipinin pozulmasına etirazımızı bildirmişik. Çoxları imtina etdi, amma işğalçının kim olduğu, işğal olunmuş ölkənin kim olduğu aydın idi. Bu, ikili standartların və Qərbin ədalətsizliyinin nümunəsidir.
Azərbaycan Respublikasının Prezidenti xatırladıb: Qərbin Azərbaycana münasibətdə bu ikili standartı bu gün də davam edir, biz bunu bu gün Rusiya-Ukrayna müharibəsində görürük. Vaxtilə biz ərazilərimizi işğaldan azad edəndə, məşhur Bayraktar pilotsuz təyyarələrindən istifadə edəndə xarici ekspertlər və Qərb mətbuatı bunu ölümcül silah kimi qələmə verirdi. İndi Rusiya-Ukrayna savaşında buna mələk deyirlər, bu ayrı-seçkilikdir, bu ikili standartdır, bu bizim haqqımızda edilən zülmdür.
