Əmmar Həkim: Fələstin məsələsi təkcə müsəlmanlara xas deyil, qlobal bir məsələdir

İraq Milli Hikmət Hərəkatının lideri Ümumdünya Qüds Günü münasibətilə verdiyi bəyanatda beynəlxalq qurumları sionist rejim qarşısında dayanmağa çağırıb.

İraq Milli Hikmət Hərəkatının lideri Seyid Əmmar Həkim bu gün (cümə) Beynəlxalq Qüds Günü münasibəti ilə verdiyi açıqlamasında bildirib ki, Fələstin məsələsi qlobal bir məsələdir.

Əl-Farat News saytının məlumatına görə, Əmmar Əl-Həkim bu bəyanatında vurğulayıb:

“Bəziləri Fələstin və onun torpaqları və ziyarətgahları məsələsini kiçik və əhəmiyyətsiz göstərməyə çalışır, lakin Fələstin məsələsi təkcə fələstinlilərlə məhdudlaşmır, humanitar, ərəbəmənsub və islami məsələdir.

Əmmar Əl-Həkim əlavə edib: “Qüds müsəlmanların üçüncü müqəddəs məkanıdır ki, orada Məscidül-Əqsa yerləşir, o, müsəlmanların ilk qibləsidir və Rəsuli-Əkrəm (s) oradan meraca getmişdir. Müsəlmanların qəlbləri ona tərəfdir və Ümumdünya Qüds Günü dünyanın azad insanlarına xatırladır ki, Fələstin məsələsini adiləşdirmək, kiçiltmək, Fələstin xalqının hüquqlarını müsadirə etmək kimi təhlükəli planlara qarşı ayıq olsunlar.”

İraq Milli Hikmət Hərəkatının lideri müxtəlif beynəlxalq və insan haqları qurumlarını sionist rejimin qeyri-qanuni təcavüzlərinə qarşı ciddi addım atmağa və sionist qəsəbələri salmaq üçün torpaqları, bağça oğurlamaq planlarını dayandırmağa, Fələstin məsələsilə bağlı ədalətli və hərtərəfli həll yolu axtarmağa çağırıb.