Ənsarullah Baydenin Ər-Riyad və Tel-Əvivə səfərini pisləyib
Yəmənin Ənsarullah Hərəkatının siyasi ofisi ABŞ prezidentinin Qərbi Asiya səfərini pisləyərkən bildirib ki, Ər-Riyad və Tel-Əviv arasında münasibətlərin normallaşması Fələstinə və Qüds idealına xəyanətdir.
Yəmənin Ənsarullah müqavimət hərəkatının siyasi ofisi şənbə günü səhər verdiyi bəyanatda ABŞ prezidenti Co Baydenin işğal olunmuş Fələstin və Səudiyyə Ərəbistanına səfərini pisləyib.
Bu bəyanatda deyilir: “Amerika prezidentinin sionist rejim və Səudiyyə Ərəbistanına səfərini qətiyyətlə pisləyirik. Bu səfərin məqsədi regional təhlükəsizlik və sabitlik bahasına Amerika və İsrailə xidmət etməkdir.
Bu görüşün region xalqlarının azadlıq, müstəqillik və sabitlik haqqının hədəfə alınması və müsadirə edilməsi kontekstində baş verdiyini bildirən Ənsarullah vurğulayıb: Bu görüş sionist rejim ilə bir sıra normallaşma mərhələlərində keçirilir ki, bu da Fələstin və Fələstin məsələsinə xəyanət olduğunu göstərir.”
Bəyanatın davamında deyilir: “Normallaşmanın nəticələri bölgədəki rejimlərin təhlükəsizliyi üçün təhlükəlidir, çünki onlar özlərini xalqdan və Fələstindən təcrid edirlər. Bu səfərin məqsədi Səudiyyənin İsrail düşməni ilə münasibətlərini normallaşdırmaqdır.
Ənsarullahın siyasi ofisi bəyan edib: “Bu görüş Səudiyyə rejiminin bir çox zəvvarlara Beytül-Müqəddəsə getməyi qadağan etdiyi və qapılarını Baydenə açdığı bir vaxtda keçirilir. Səudiyyə Ərəbistanı Səudiyyə rejiminin açıqladığı normallaşma tədbirləri çərçivəsində hava məkanını İsrail düşmən təyyarələrinin üzünə açıb.
Yəmənin müqavimət hərəkatı əlavə etdi: “Ciddi bir tədbir görülməsə, bu sürətləndirilmiş normallaşma tədbirləri bütün ölkə xalqı üçün təhlükə yaradacaq. Ərəb və İslam xalqlarından bu görüşü və onun fəlakətli nəticələrini və oyuncaq rejimlərin bütün hərəkətlərini pisləyib rədd etmələrini xahiş edirik.
Bu bəyanatın sonunda deyilir: “Biz Fələstindəki mücahid qardaşlarımızın və bölgənin bütün azad xalqının və müqavimət oxunun yanında mövqeyimizi kamil şəkildə bəyan edirik.”
Şənbə günü səhər saatlarında Ciddədəki otelində mətbuat konfransı keçirən Bayden Səudiyyə liderlərinin öz hava məkanlarını sionistlərin uçuşu üçün açmağa razı olduqlarını bildirib və deyib ki, o, Ər-Riyad rəsmiləri ilə də Yəməndə atəşkəs məsələsini müzakirə edib.
