Ənsarullah: Yəməndəki müharibə son mərhələyə daxil olub
Yəmənin Ənsarullah siyasi şurasının üzvü Məhəmməd əl-Bəxiti çərşənbə axşamı deyib ki, Yəmənə qarşı müharibə son mərhələyə çatıb.
O, sosial şəbəkələrdən birində “İştirakçı tərəflər bütün hərbi güclərindən istifadə etməyə çalışırlar və biz qarşıdurmanı gücləndirməklə təcavüzə cavab veririk.” – deyə bildirib.
Yəmənin Ənsarullah hərəkatının rəsmisi əlavə edib: Münaqişəni davam etdirmək BƏƏ və Səudiyyə Ərəbistanının xeyrinə deyil, lakin onların sülh razılaşmasına doğru hərəkət etməsi daha yaxşıdır. Yəmən indi dəniz raketləri və döyüş gəmiləri istehsalçısına çevrilib və biz hərbi əməliyyatları davam etdirməkdə qərarlıyıq.
Yəmən qüvvələri bu gün gəmi əleyhinə raketlərə və Apaçi helikopterlərinə malikdir. Biz arsenalımızı sıfırdan inkişaf etdirməyə başladıq və bu gün həssas hərbi texnika yaratmaq imkanımız var.
Yəmənin Ənsarullah Hərəkatının rəsmisi əlavə edib: “Bu gün Yəmən bütün hərbi texnikanı qurmaq üçün lazım olan texnologiyaya və akademik heyətə malikdir. İHA və qanadlı raketlər qırıcı və döyüş gəmilərindən daha ölümcüldür.
“Səudiyyə təcavüz koalisiyasının sözçüsü Turki əl-Malikinin danışığı ilə İsrail ordusunun Birləşmiş Qərargah Komitəsinin rəisi arasında heç bir fərq yoxdur.” – əl-Bəxiti əlavə edib.
