Ərbildə İsrailin 20 strateji mərkəzi və bir neçə əməliyyat otağı var
İraq Kətaibu Seyyidiş-Şuhəda hərəkatının Baş katibi sionistlərin Kürdüstan bölgəsində 20-dən çox strateji və taktiki mərkəzə malik olduğunu açıqlayıb.
Əbu Əla Əl-Vəlai bu ölkədəki bəzi şəxslərin sionist rejimin Kürdüstan bölgəsində olmadığına dair iddiası ilə bağlı bildirib ki, sionistlərin bölgədə 20-dən çox strateji və taktiki mərkəzləri var.
Əl-Vəlai Twitter səhifəsində paylaşdığı bir tvitdə yazıb ki, sionistlərin Ərbildə təhlükəsizlik əməliyyatları, çoxlu layihələr üçün otağı var və investisiyalar və sionist kapitalı ilə idarə olunur.
o, “İraq Kürdüstanında 4000-dən çox sionist var.” -deyərək , Ərbil və Tel-Əviv arasında birbaşa hava yolunun da olduğuna diqqət çəkib. Həmin səbəbdən, sionistlər təhlükəsizlik problemi olduğu üçün öz vətəndaşlarından Ərbilə səfər etməmələrini istəyib.
İraq rəsmisi sözlərini İraq kürd rəsmilərinə kinayə ilə bu məlumatı sionistlərin varlığını göstərmək üçün verdiyini söyləməklə yekunlaşdırıb.
Bununla bağlı İran İslam Respublikasının İraqdakı səfiri İrəc Məscidi bazar ertəsi Ərbildəki Mossad bazasına edilən son hücumla bağlı vurğulayıb ki, israillilərin İraq Kürdüstanında bazası var.
Kürdüstandan olan israillilər İranın təhlükəsizliyinə qarşı sui-qəsdlər təşkil edir və fəaliyyət göstərirlər, amma biz ərazilərimizin təhlükəsizliyini diqqətdən kənarda qoymayacağıq. Biz Kürdüstan bölgəsinin rəsmilərinə dəfələrlə xəbərdarlıq etdik, lakin onlar qulaq asmadılar.
İraq media mənbələri bazar günü səhər Ərbildə dəhşətli partlayış səslərinin eşidildiyini bildirib. Həmçinin, İraqın şimalındakı Ərbildə iki qabaqcıl İsrail Mossad təlim mərkəzinə ballistik raketlərlə hücum edildiyini vurğulayıb.
Kürdüstan bölgəsinin Daxili İşlər Nazirliyi ABŞ-ın Ərbildəki yeni konsulluğunun binasını hədəf alan 12 raketin sərhədlər xaricindən və İraqın şərqindən atıldığını, “Kürdüstan 24” şəbəkəsinin ofisi və yaxınlığındakı mülki əraziləri vurduğunu açıqlayıb.
