22 Bəhmən İslam İnqilabı

İran İslam İnqilabı zülmlə mübarizə və müqavimət diskursunu genişləndirdi

İlahi 22 bəhmən yürüşünün iştirakçıları bildiriblər ki: İran İslam İnqilabı öz təbii qüdrətilə islam ümmətinin varlığına yeni bir ruh verdi və zülmlə mübarizə və müqavimət diskursunu genişləndirdi.

İslami İran xalqı İslam İnqilabı qələbəsinin ildönümündə bu il ötən illərdə olduğu kimi, bütün təbəqələrdən olmaqla ölkənin 1400 şəhəri və 38 min kəndində ilahi 22 bəhmən yürüşündə qəhrəmancasına və son dərəcə şövqlü surətdə iştirak edib.

İlahi 22 bəhmən yürüşünün sonunda iştirakçılar qəbul etdikləri qətnamədə İran İslam İnqilabının, İmam Xomeyni(r.ə)-in və İslam İnqilabının Böyük Rəhbərinin amalları ilə əhd-peymanlarını təzəməklə yanaşı, bildiriblər:  İran İslam İnqilabı öz təbii qüdrətilə islam ümmətinin varlığına yeni ruh vermək,/ zülmlə mübarizə və müqavimət diskursu, həmçinin zülm və imperiazlizm sistemi ilə strateji qarşılaşma meydanlarını, İslami İran coğrafiyasından kənara doğru genişləndirməklə bəşəriyyətin qarşısında yeni bir fəsil açıb və “güc həndəsəsi və yeni dünya qaydası”nın meydana gəlməsinin müjdəçisi olubdur.

Bu qətnamədə yürüş iştirakçıları Vilayəti Fəqihin və İslam İnqilabının Böyük Rəhbərinin ətrafında milli birliyi, vəhdəti və birləşməyi,/ daxili bədxahlar və xarici düşmənlərin fitnələrindən irəli gələn problemlər, fitnələr və böhranlardan keçmək istiqamətində İslami İranın qələbəsinin əsas zamini və təkanverici qüvvəsi adlandırıblar.

Yekun qətnaməsində yürüş iştirakçıları bildiriblər: İranın sayıq xalqı Qüds şəhidi general-leytenant Qasim Süleymaninin bayraqdar olması xüsusiyyət təşkil etməklə, İran silahlı qüvvələrinin mübarizələri hesabına əldə olunan İslami İranın regional təyinedici və mənəvi nüfuzu, qürur yaradan qabiliyyət və nailiyyətlərini ölkənin çəkindiricilik qüdrətinin simvolu və strateji sərmayəsi hesab edir.

Qətnamənin davamında yürüş iştirakçıları İranın düşmənlərinə xəbərdarlıq ediblər ki, iranlıların qırmızı xətti olan bu sahəyə qarşı təcavüz və ya onu zəiflətmək üzrə hər hansı xülya və hesablama xətasından çəkinsinlər və özlərini qüdrətli İranın qarşılıqlı və peşmanedici cavabları və qətiyyətli zərbəsinin hədəfi qərar verməsinlər.

Qətnamədə deyilir: İran xalqı Ələqsa əməliyyatının əzəmətli və tarixi qələbəsi və sionist rejimin  bərpaolunmaz məğlubiyyətini xatırlatmaqla Qəzzədəki bugünkü müsibəti bəşəriyyətin müsibəti, həmçinin hazırkı dünya qaydasının faydasızlığı və batilliyinin göstəricisi hesab edir.

Qətnamədə sonra deyilir: İran xalqı xəbis və cinayətkar Amerikanın hərtərəfli və həyasızcasına himayələri ilə həyata keçən sionistlərin fələstinlilərə qarşı soyqırımını pisləməklə/ fələstinli döyüşçülərə və Qəzzə əhalisinə verilən ilhamverici və mənalı beynəlxalq dəstəyi alqışlayır və islami dövlətlərdən istəyir ki, İslam Ümmətinin tələblərinə cavab olaraq, yırtıcı xislətli, saxta sionist rejimə hər hansı dəstək və köməkdən çəkinsin və iqtisadi əlaqəni kəsməklə, Fələstini və Qüdsi-Şərifi qəsb edənlərin vücuduna qətiyyətli və təyinedici zərbə vursunlar.

 Yürüş iştirakçıları həmçinin vurğulayıblar: İran xalqı dünya ictimaiyyətindən istəyir ki, saxta və uşaq qatili olan sionist rejimin üzvlüyünü ləğv etməklə, bu div xislətli rejimin nümayəndələri və səfirlərini soyqırımı, vəhşicəsinə cinayətlər və etnik təmizləmə kimi cinayətlərə görə, BMT-dən, bütün beynəlxalq təşkilatlardan və bütün dünyadan qovsunlar.