On minlərlə fələstinli “Xeybər, Xeybər, ya yəhud…” şüarı ilə Əl-Əqsa məscidinə toplaşıb-Foto

On minlərlə fələstinli bu gün cümə namazından sonra Əl-Əqsa məscidində sionist əleyhinə şüarlar səsləndirib.

Məscidül-Əqsa bu gün unikal cümə namazından sonra on minlərlə fələstinlinin toplanışına və sionist rejim əleyhinə şüarlara şahid olub.

Fələstin İslam Vəqfinin məlumatına görə, bu gün İordan çayının qərb sahili və 1948-ci ildə işğal olunmuş ərazilər də daxil olmaqla ölkənin müxtəlif bölgələrindən 150 minə yaxın fələstinli Məscidül-Əqsaya gəlib.

Son günlər Məscidül-Əqsada dəfələrlə sionistlərin hədəfinə çevrilən fələstinlilər namazdan sonra müsəlmanların müqəddəs məkanlarına dəstək və sionistlərə qarşı şüarlar səsləndiriblər.

Onlar “Xeybər, Xeybər, ya yəhud, ceyşu Muhəmməd bədə yəud” (Xeybəri yada salın ey yəhudilər, Məhəmmədin (s) ordusu geri dönüb) və “Birruhu biddəm təfdikə ya Əqsa” (canımız və qanımız sənə fəda olsun, ey Əqsa) şüarları səsləndiriblər.

Bu arada sionistlər fələstinliləri dağıtmaq üçün gözyaşardıcı qaz atmaq üçün pilotsuz təyyarələrdən istifadə ediblər.

Sionist hərbçilərin və mühacirlərin müqəddəs Ramazan ayında Məscidül-Əqsa və fələstinlilərə qarşı təcavüzü daha da güclənib və son günlər Məscidül-Əqsa sionist hərbçilərin hücumuna səhnə olub.

Fələstin müqaviməti işğalçıları Qüdsdə gərginliyin artması ilə bağlı xəbərdar edir və hətta HƏMAS-ın siyasi bürosunun üzvü və Qüds bürosunun rəsmisi Harun Nasirəddin sionistlərin Məscidül-Əqsaya basqını və qurban kəsməyə çalışması ilə bağlı deyib:

“HƏMAS vasitəçilərə Məscidül-Əqsada hər hansı qurban kəsiminin müharibə elanı olduğunu və Qüds Qılıncı-2 əməliyyatının əvvəlki əməliyyatdan daha şiddətli olduğunu bildirib.”