Ukrayna rəsmisi: “Rusiya sualtı qayıqdan raket atır”
“Rusiya ordusu Ukraynaya raket zərbəsi endirmək üçün sualtı qayıqlardan istifadə edir”.
“Report” UNIAN-a istinadən xəbər verir ki, bunu Odessa vilayəti hərbi administrasiyası əməliyyat qərargahının mətbuat katibi Sergey Bratçuk bildirib.
Onun sözlərinə görə, Ukrayna ərazisinə “Kalibr” tipli raketlərdən zərbə endirmək məqsədilə rəqib Qara dənizdə azı 4 sualtı qayıqdan istifadə edir: “Söhbət “Paltus 877” sualtı layihəsindən gedir. Raketlər 50 metr dərinlikdən buraxılır. Bu halda onları radar və peyk təsbit edə bilmir”.
Report.az
