Fransada prezident seçkilərinin yekun nəticələri məlum olub
Fransada prezident seçkilərinin yekun nəticələri məlum olub.
“Report” xəbər verir ki, bu barədə Fransa Daxili İşlər Nazirliyi məlumat yayıb.
Bildirilib ki, prezident seçkilərinin ikinci turunda bülletenlərin 100 %-i hesablandıqdan sonra hazırkı Prezident Emmanuel Makron 58,55 % səs toplayıb.
Onun rəqibi – Milli Birlik Partiyasının namizədi Marin Le Pen seçicilərin 41,45 %-nin dəstəyini qazanıb .
02:24
Fransanın hazırkı Prezidenti Emmanuel Makron prezident seçkilərinin ikinci turunda 57,24 % səs toplayıb.
“Report” xəbər verir ki, bu barədə ölkənin Daxili İşlər Nazirliyi səslərin 96 faizinin hesablanmasından sonra məlumat yayıb.
E.Makronun rəqibi ifrat sağçı Milli Birlik Partiyasının lideri Marin Le Pen seçicilərin 42,76 faizinin dəstəyini alıb. O, artıq məğlubiyyətini etiraf edib, lakin eyni zamanda fransalılar qarşısında öhdəliklərini yerinə yetirməyə davam edəcəyinə söz verib. Siyasətçi xüsusilə onun siyasi hərəkatının parlament seçkilərində böyük mübarizəyə başlayacağını bildirib.
Xatırladaq ki, səsvermə yerli vaxtla saat 20:00-da (Bakı vaxtı ilə 22:00) başa çatıb.
Report.az
