ABŞ polis məmurlarının qətllərində 60% artım olub

FBI xidməti vəzifəsini yerinə yetirən polis məmurlarının öldürülməsi barədə məlumat verib və 2021-ci ilə nisbətdə bunun 60% artdığını açıqlayıb.

ABŞ Federal Polis İdarəsinin rəisi Kristofer Rey bildirib ki, Birləşmiş Ştatlarda zorakılığın nəzəçarpacaq artımı ilə 2021-ci ildə vəzifəsinə yerinə yetirərkən öldürülən polis məmurlarının sayı 59 faizdən çox artıb.

“Polis məmurlarına qarşı zorakılıq az diqqət çəkən bir fenomendir.” deyən Rey 2019-cu ildən bəri ABŞ-da müxtəlif qətl formalarının görünməmiş sürətlə artdığını bildirib.

Rey deyib: “Demək olar ki, hər beş gündən bir polis əməkdaşı öldürülür və polis əməkdaşlarına qarşı zorakılıq hallarının bəziləri ümumiyyətlə kriminal problemlərlə bağlıdır.”

Bununla belə, BBC öz hesabatında bildirib ki, Amerika Polis Koalisiyası Assosiasiyası yanvar ayında 2021-ci ildə polis qüvvələrinə qarşı 103 pusqu hücumu edildiyini və 130 zabitin yaralanması və 30 zabitin ölümü ilə nəticələndiyini bildirib.

FBI-ın statistikası da onu göstərir ki, vəzifəsini yerinə yetirərkən polis məmurlarının qətli 2019-cu ildən 2020-ci ilə qədər 29 faiz artıb və bu da 1960-cı ildən bəri ən böyük artımdır.

Bundan əlavə, Amerika Polis Koalisiya Təşkilatı cari ilin əvvəlindən ən azı 17 polisin öldürüldüyünü bildirir.