Kreml Papanın Putinlə görüş istəyinə cavab verib

Kremlin sözçüsü dünya katoliklərinin lideri Papa Fransiskin Moskvaya səfər etmək və Putinlə görüşməklə bağlı sorğusuna cavab olaraq deyib: İndiki vəziyyətdə belə bir görüşün keçirilməsi ilə bağlı razılıq yoxdur.

Tass xəbər agentliyi bildirib ki, Kremlin sözçüsü Dmitri Peskov Rusiya Prezidenti Vladimir Putin və Roma Papası Fransisk arasında görüş barədə razılıq olmadığını açıqlayıb.

Kreml rəsmisi bildirib ki, belə görüşlər və toplantılar diplomatik xidmətlər məqsədi ilə həyata keçirilir, lakin görüşlərlə bağlı razılaşma yoxdur. Kreml belə bir görüşün zərurətini şərh etməyib, lakin heç bir razılığın əldə olunmadığını bildirib.

Qeyd edək ki, bundan əvvəl Roma Papası Fransisk Ukrayna məsələsinin həlli və müzakirəsi məqsədilə Putinlə görüşmək üçün Moskvaya səfər etməyə hazır olduğunu bəyan edib.

İtaliyanın “Corriere della Sera” qəzetinə müsahibə verən Frensisk çərşənbə axşamı bildirib ki, Rusiya Prezidenti Vladimir Putin Ukraynada sülhü müzakirə etmək üçün onun Moskvaya səfər etmək xahişindən yayınıb.

Bundan əvvəl Frensisk Rusiyanın Vatikandakı səfiri ilə görüşündə müharibənin dayandırılmasını tələb etmişdi. İtaliyanın “Courier” qəzetinə müsahibəsində katolik dünyasının lideri Moskvaya səfərinin mümkünlüyünü açıqlayıb.

“Hələ cavab almamışıq və biz hələ də bunun üzərində işləyirik, amm qorxuram ki, Putin bu görüşü indi keçirmək istəmir.” – deyə, Frensis bildirib.