Bəhreyn və BƏƏ Səudiyyə Ərəbistanı kralını kolonoskopiyaya görə təbrik edib

Bəhreyn və BƏƏ liderləri ayrı-ayrı mesajlarda Səudiyyə Ərəbistanı kralını kolonoskopiya müayinəsinin uğurla başa çatması münasibətilə təbrik ediblər.

Bəhreyn kralı Həməd bin İsa Ali-Xəlifə və BƏƏ Prezidenti Xəlifə bin Zayed Ali-Nəhyan bu gün (bazar ertəsi) Səudiyyə kralını uğurlu kolonoskopiya müayinəsinə görə təbrik ediblər.

Səudiyyə Ərəbistanının rəsmi xəbər agentliyinin (WAS) məlumatına görə, bundan əlavə, Bəhreyn vəliəhdi və Nazirlər Şurasının sədri Salman bin Həməd Ali-Xəlifə və BƏƏ Nazirlər Şurasının sədri Məhəmməd bin Rəşid Ali-Məktum da ayrı-ayrı mesajlar verib və Səudiyyə kralına cansağlığı arzulayıb.

Küveyt əmiri və Oman Sultanı da mesajlarda Salman bin Əbdüləzizə cansağlığı arzulayıb. Səudiyyə Ərəbistanı Kraliyyət Məhkəməsi dünən (bazar günü) kral Salman bin Əbdüləzizin şənbə günü axşam Ciddə Məlik Feysəl Xəstəxanasına getdiyini elan edib.

Səudiyyə Ərəbistanının rəsmi xəbər agentliyi heç bir izahat vermədən sadəcə onun bəzi tibbi müayinələr üçün xəstəxanaya aparıldığını iddia edib.

Səudiyyə Ərəbistanı yaşlı kralı son iki ayda ikinci dəfə xəstəxanaya yerləşdirilib.

Kraliyyət Məhkəməsinin verdiyi məlumata görə, o, 16 mart tarixində tibbi testlərdən keçərkən ürək batareyasını dəyişdirmək üçün Məlik Feysəl xəstəxanasına getmişdi.