Bakıda avtomobil piyadanı vurub öldürdü
Bakıda avtomobil piyadanı vuraraq öldürüb.
Bu barədə BAKU.WS-ə Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, hadisə mayın 27-də saat 23 radələrində Qaradağ rayonunun Qobustan qəsəbəsində qeydə alınıb.
Belə ki, qəsəbə sakini E.Gəncəliyev idarə etdiyi “Mercedes” markalı avtomobillə yolu keçən həmyerlisi Seyfəl Veysəlovu vurmuş və nəticədə piyada hadisə yerində ölüb.
Qaradağ Rayon Polis İdarəsində araşdırma aparılır.
BAKU.WS
