Sionist qəsəbə müqavimət raketlərinin qorxusundan hərbi qalaya çevrilib

Müqavimətin raketləri və snayperlərindən qorxan sionist rejim Qəzzə yaxınlığındakı sionist yaşayış məntəqəsinin ətrafında bir neçə beton sədd çəkib.

İsrailin Müharibə Nazirliyi bu gün (cümə axşamı) Qəzzə zolağından atılan raketlərdən ərazini qorumaq üçün Qəzza yaxınlığındakı sionist şəhərciyin ətrafını beton sədlər çəkib.

Sionist “Yedioth Ahronoth” qəzeti yazıb ki, ötənilki insidentin təkrarlanmaması üçün “Nətif Həsarə”nin (Qəzzə zolağının şimalı) cənubunda onlarla beton maneələr çəkilib. Keçən il bir sionist bu əraziyə atılan raketlə öldürülmüşdü.

Bu məsələ sionist qəsəbə əhalisini daha da qəzəbləndirib, çünki çoxlu sayda qoruyucu vasitələrin olması səbəbindən şəhər hərbi qalaya bənzəyir.

Sakinlər deyirlər ki, ərazidə təhlükəsizliyin artırılması Fələstin müqavimətinə zəiflik mesajı vermək kimidir.

 Bir sıra köçkünlər bu beton maneələrin üzərinə “rüsvayçılıq divarı” sözlərini yazıblar.

Bu arada İsrailin Birləşmiş Qərargah Rəisləri Komitəsinin rəhbəri Aviv Koxavi bu həftə (30 may bazar ertəsi) Fələstin müqaviməti ilə mümkün döyüşün növbəti raundunda Qəzzə zolağına hücum etmək üçün yeni komandir seçib.

İbranicə “Yedioth Ahronoth” qəzetinin hərbi analitiki Yosi Yuşə, Koxavinin Qəzzədə növbəti hücum əməliyyatlarına cavabdeh olaraq briqada generalı Çiko Tamiri təyin etmək qərarına gəldiyini açıqladı.