Aqata qasırğası Kubada insan tələfatına səbəb olub
İntensiv yağışlarla müşayiət olunan Aqata qasırğası Kubanın bir neçə əyalətində həyatı iflic edib.
APA-nın “Le Monde”a istinadla xəbərinə görə, təbii fəlakət nəticəsində azı 3 nəfər həlak olub. 2 nəfərin itkin düşdüyü bildirilir. On minlərlə abonentin elektrik təchizatı kəsilib.
Paytaxt Havanada 60 ev çöküb, 500-dək sakin təxliyə edilib. Havana əyalətində 50 000 abonentin elektrik təchizatı kəsilib. Hadisə yerində xilasedicilər işləyir.
Apa.az
