Səudiyyə koalisiyası Yəmən iqtisadiyyatına 160 milyard dollar ziyan vurub

Yəmənin Maliyyə nazirinin planlaşdırma və statistika üzrə müavini deyib: Səudiyyə-BƏƏ təcavüzkar koalisiyasının Yəmənə qarşı müharibəsi ilə bu ölkənin təkcə ÜDM-də yüz altmış milyard dollar itirməsinə səbəb olub.

Əl-Məsirə Xəbər kanalı işğalçı Səudiyyə-Əmirlik koalisiyasının yeddi illik mühasirə və təcavüzü zamanı Yəmənin vurduğu zərərin miqdarı haqqında hesabat dərc edib.

Yəmənin Maliyyə nazirinin planlaşdırma və statistika üzrə müavini Əhməd Həcər Əl-Məsirə telekanalına deyib: “Yəmənin təcavüzü və mühasirəsi ÜDM-i 2014-cü illə müqayisədə 46 faiz azaldıb. ÜDM-in azalmasından yığılan itkilər 160 milyard dollara çatır.

Beynəlxalq hesabatlar göstərir ki, Yəmənin milli kapitalının təxminən 120 milyard dolları ölkədən xaricə çıxarılıb.”

Yəmən Mərkəzi Təşkilatının sosial statistika və əhali üzrə direktor müavini Sam Əl-Bəşiri də təşkilatın məlumatlarında fiziki aktivlərin itkisini 100 milyard dollar olaraq qiymətləndirdiyini bildirib.

Əl-Bəşiri həmçinin vurğulayıb ki, Yəmənin sərvətlərinin muzdurlar tərəfindən davamlı talan edilməsi və qrant və digər yardımların dayandırılması ilə Yəmənin itkiləri artıb.

Yəmənin Planlaşdırma və İnkişaf nazirinin müavini Adil əl-Huşabi deyib: “Yəmənin mühasirəsinin davam etdirilməsi ölkənin inkişafı üçün əsas maneədir və yeni itkilər üçün zəmin yaradır. Yəmənin iqtisadi infrastrukturunun hədəf alınması ölkənin müxtəlif səviyyələrdə, xüsusilə də ictimai xidmətlərdəki problemlərini ikiqat artırıb.”

Səudiyyə Ərəbistanı BƏƏ və bir sıra ərəb ölkələri ilə birlikdə ABŞ, Qərb ölkələri və sionist rejimin dəstəyi ilə 2015-ci ilin aprelində Yəmən xalqına qarşı hərtərəfli müharibəyə başlayıb, lakin hələ də öz məqsədlərinə nail olmayıb.