Netanyahu və həyat yoldaşı məhkəmədə: Biz ruhi xəstə deyilik

İsrailin keçmiş baş naziri Benyamin Netanyahu və həyat yoldaşı məhkəmədə İsrailin keçmiş baş naziri Ehud Olmertin əleyhinə ifadə verib.

Ehud Olmertin Benyamin Netanyahunu, həyat yoldaşı və oğlunu “ruhi xəstə” adlandırdığına görə şikayəti dinlənildikdən sonra iş üzrə yeni məhkəmə iclası keçirilib.

İşğal olunmuş Fələstindəki media mənbələri İsrailin keçmiş baş naziri Ehud Olmertin Binyamin Netanyahu və həyat yoldaşı Sara Netanyahuya qarşı iddialarından sonra onların məhkəmə qarşısına çıxdığını bildirib.

İsrailin keçmiş baş naziri Benyamin Netanyahu və ailəsi Ehud Olmerti onları ruhi xəstə adlandırdığına və “böhtan” atdığına görə məhkəməyə verib.

Sionist I-24 kanalının məlumatına görə, Benyamin Netanyahu Tel-Əvivdə keçirilən məhkəmə iclasında “heç bir ruhi xəstəlik və ya psixiatriya tarixçəsi olmadığını” ifadə edib.

Netanyahunun Olmertin böhtan ittihamı ilə məhkəməsi 2022-ci ilin yanvarında başlayıb. Netanyahu arvadı və oğlu Yair Netanyahu üçün 261 min dollar təzminat tələbi ilə məhkəməyə müraciət edib.

Netanyahunun həyat yoldaşı Sara Netanyahu da məhkəməyə gələrək “ruhi xəstə olmadığını” deyib.

Digər tərəfdən, İsrailin keçmiş baş naziri Ehud Olmertin korrupsiyaya görə həbs tarixi var.

O, 2016-cı ildə korrupsiyada təqsirli bilinib və 2016-cı ilin fevralından 2017-ci ilin iyuluna qədər həbsdə olub.