İslam ölkələrindən Peyğəmbər (s) şəhərinə zəvvarların səfəri ilə bağlı son statistik məlumatlar

Builki Həcc ziyarəti yaxınlaşdıqca dünyanın hər yerindən zəvvarlar Mədinə və Ciddə hava limanlarından, hətta bəzi quru sərhədlərindən Səudiyyə Ərəbistanına daxil olmağa davam edir.

Həcc və Ziyarət Təşkilatının ictimaiyyətlə əlaqələr şöbəsindən verilən məlumata görə; Səudiyyə Ərəbistanının Həcc və Ümrə Nazirliyi Peyğəmbər Məscidini və Həzrət Peyğəmbərin (s) hərəmini ziyarət etmək üçün Mədinəyə daxil olan zəvvarların sayı ilə bağlı statistikanı dərc edərək, bazar ertəsi gecəsinin sonuna kimi dünyanın hər yerindən 299 911 zəvvarın Mədinəyə daxil olduğunu açıqlayıb.

Səudiyyə Ərəbistanı Milli Xəbər Agentliyi (WAS) əlavə edib: Həcc və Ümrə Nazirliyinin statistikasına əsasən, bu şəxslərdən 241 min 859 nəfəri Məhəmməd bin Əbdüləziz Beynəlxalq Hava Limanı vasitəsilə Mədinəyə daxil olub.

Bu statistik hesabata əsasən, Banqladeş, Nigeriya, Hindistan, Pakistan və daha sonra İran İslam Respublikasından olan zəvvarlar indiyədək Mədinəyə daxil olmaqda müvafiq olaraq birinci-beşinci sırada yer alıblar.

Həmçinin Həcc mərasimləri üçün lazımi hazırlıqları görmək məqsədilə son günlər Mədinədən Məkkəyə 205 049 zəvvar yola düşüb.

Qeyd edək ki, bu il Həcc mövsümündə vəhy diyarında 39 min 600 iranlı zəvvar iştirak edəcək. İndiyə qədər 31 minə yaxın iranlı zəvvar Mədinə və Ciddə hava limanlarından gəlib, qalanları isə iyul ayının 13-ünə qədər gələcək.