İmam Rzanın (ə) xadimliyindən ilahi qonaqlıq məqamına yüksəlmək
O, Məscidül-Həramın ikinci mərtəbəsinin bir küncündə dayanıb yuxarıdan Kəbəyə baxırdı.
Çünki ehram bağlamamışdı və bilirdim ki, onu adi paltarda məscidin həyətinə buraxmayacaqlar. Düşündüm ki, o, məyus olub və bəlkə də o, Səudiyyə rəsmilərindən Kəbənin Rəbbinə şikayət edir. Eyni zamanda, onunla dialoqun aparmaq mümkün oldu.
Adını və işini soruşdum. Dedi ki, mənim adım Əbdülkərimdir. Adı da özünə yaraşırdı.
Əbdülkərim əhvazlı və ərəb əsilli idi və hazırda Əlborz vilayətinin Kərəc şəhərində yaşayır.
Onun sözlərinə görə, ömrünü cənub neft obyektlərində keçirib, hazırda təqaüdə çıxandan sonra Kərəcdə yaşayır.
Onun Məscidül-həramın əsas həyətinə girməyin qeyri-mümkünlüyündən gileylənəcəyinə nisbətən əmin olsam da, nə deyəcəyini görmək üçün onunla eyni məsələni qaldırdım. Çünki çox vaxt giley-güzar və qəlbindəkilər haqqında danışmaq insanı yüngülləşdirir. Amma onun cavabları mənim proqnozlarımın tamamilə əksinə oldu.
“İkinci dəfədir ki, Müqəddəs Evin ziyarətinə gəlirəm. Keçən dəfə Ümrəyə gəlmişdim, indi də Həcc ziyarətində nail olmuşam.
Siz məhdudiyyətlər məsələsini qaldırırsınız, amma bilməliyik ki, bu məhdudiyyətlər Covid xəstəliyinin artmasının qarşısını almaq üçündür və müəyyən mənada yeni ziyarətə gəlmiş və vacib əməllərini yerinə yetirmək niyyətində olan zəvvarların xeyrinədir.
Məsələn, üç gecə əvvəl Məkkəyə daxil olub əməllərimi yerinə yetirən mən indi yuxarı qalxıb müstəhəbb əməllərimi yerinə yetirirəm və mən artıq ümrəsini yerinə yetirən insanları narahat etmirəm və beləliklə, üç saat təvaf etmək əvəzinə, o insanlar yarım saat ərzində təvaf edir.
Təsəvvür edin ki, yuxarı mərtəbələrdə ibadət edən bu böyük izdihamın birinci mərtəbədəki həcc izdihamına əlavə olunduğunun şahidi oluruq. Düzdür, bu il həcc ziyarəti üçün 65 yaş həddi qoyublar, amma buna baxmayaraq, mən insanların sağlamlıqlarını qorumaq üçün bu cür şərait yaradıldığına görə Allaha şükür etdim.
Mənim kimi vacib əməllərini yerinə yetirmiş biri üçün yuxarı və ya aşağı təbəqədə olmaq arasında fərq yoxdur. Mən ikinci mərtəbədə müstəhəb əmələlri yerinə yetirirəm. İmam Zamana (ə.f), İnqilab Rəhbərinə, şəhidlərə, onların ailələrinə, dost və tanışlarıma dua edib onların əvəzindən namaz qılmışam.
Əgər vacib əməllərim olmadığı halda aşağı mərtəbəyə girsəm, kimisə narahat etmiş olaram.
Məsələn, İmam Rzanın (ə) hərəmində bütün insanlar müqəddəs zərihdən yapışmaq istəsələr və başqa zəvvarlara icazə verməsələr, onda necə şərait yaranar? Ona görə də əməlini və həccini yerinə yetirən hər kəs başqalarına yer açmalıdır.”
Əvvəlcə elə bildim ki, bu iranlı hacının gileyli sözləri ilə qarşılaşacam, amma onun səxavətinə çox heyran oldum, çünki o, nəinki şikayət etmirdi, hətta sözlərində müəyyən dərinlik və yetkinlik var idi.
Bu şəxs İmam Rzanın (ə) hərəminin xadimlərindən idi və ilahi lütf sayəsində indi də Həccə gəlmək şərəfinə nail olmuşdu.
