Avropada inflyasiya yeni rekorda imza atıb

Eurostat Statistika Mərkəzinin ilkin nəticələrinə görə, Avropada inflyasiya indeksi iyun ayında əvvəlki ayla müqayisədə 0,5% artım göstərən 8,6% yeni rekorda çatıb.

İRNA-nın məlumatına görə, enerjinin qiyməti ötən ilin iyun ayı ilə müqayisədə 41,9% artaraq inflyasiya səviyyəsinə ən çox təsir edib, sonra isə ərzaq, içki və tütün məmulatlarının qiyməti 8,9% artıb.

Estoniya və Litvada istehlak qiymətləri indeksi 20 faizlik artımla ən yüksək artımı qeyd edərkən, Fransa və Maltada inflyasiya 7 faizdən az olub.

Eurostatın tam hesabatının iyulun 19-da dərc olunması planlaşdırılır.

Lakin Ukrayna müharibəsinin təsiri ilə ərzaq və enerji qiymətlərinin kəskin artması Avropada inflyasiyanın artmasına səbəb kimi qiymətləndirilir ki, bu da bu regionun iqtisadiyyatını tənəzzülə yaxınlaşdırıb.

Avropada inflyasiya ardıcıl on aydır ki, yüksəlir və bu tendensiyanın dayandırılmasından əsər-əlamət yoxdur.

Avropa Birliyini tərk edən İngiltərədə inflyasiya indeksi 9,1%-ə çatıb ki, bu da son yarım əsrdə görünməmiş göstəricidir.

İngiltərə Bankı bu ölkədə iqtisadi tənəzzül riski barədə xəbərdarlıq edib.

Avropa Komissiyası bu yaxınlarda Avrozonanın bu il iqtisadi artımı ilə bağlı proqnozunu 2,7%-ə endirib.

Bu Avropa qurumu bu il Avro iqtisadiyyatı üçün 4% artım proqnozlaşdırmışdı.

Artan inflyasiyaya cavab olaraq, Avropa Mərkəzi Bankı sentyabr ayına qədər mənfi faiz dərəcələri dövrünü başa vuracağını açıqlayıb.