Səudiyyə koalisiyası Yəmən yanacağı daşıyan gəmini ələ keçirib

Yəmənin Qaz Şirkəti çərşənbə günü gecə Səudiyyə koalisiyasının bu ölkənin qazını daşıyan gəmini ələ keçirdiyini açıqlayıb.

Əl-Məsirənin məlumatına görə, Yəmənin Qaz Şirkəti Səudiyyə koalisiyasının 8230 ton qaz daşıyan “Lady Sara” gəmisini ələ keçirdiyini açıqlayıb.

Yəmən Qaz Şirkəti bu gəminin Birləşmiş Millətlər Təşkilatının lisenziyasına malik olduğunu bildirib və deyib: Bu ölkədə hazırda Səudiyyə koalisiyasının nəzarətində olan yanacaq daşıyan gəmilərin sayı üçə çatıb.

Yəməndə atəşkəsin müddəaları, o cümlədən yanacaq daşıyan gəmilərin Yəmən limanlarına daxil olmasına icazə verilməsi təcavüzkar Səudiyyə koalisiyası tərəfindən dəfələrlə pozulub. Bu atəşkəs nəhayət, təxminən bir ay əvvəl, BMT-nin atəşkəsin yenidən uzadılması ilə bağlı məsləhətləşmələrindən sonra daha iki ay uzadıldı.

Bundan əvvəl Yəmənin Ali Siyasi Şurasının rəhbəri Mehdi Əl-Məşat Səudiyyə koalisiyasının dəfələrlə atəşkəsi pozması nəticəsində Yəməndə atəşkəsin demək olar ki, aradan getdiyini bildirib.

Səudiyyə Ərəbistanı BƏƏ də daxil olmaqla 2014-cü ildən bir neçə ərəb ölkəsinin koalisiyası şəklində və ABŞ-ın köməyi və yaşıl işığı və sionist rejimin dəstəyi ilə Yəmənə – ən kasıb ərəb ölkəsinə qarşı genişmiqyaslı hücumlara başlayıb.

Səudiyyəlilərin gözləntilərinin əksinə olaraq, onların hücumları Yəmən xalqının müqavimətilə qarşılaşıb. 8 illik müqavimət və yəmənlilərin Səudiyyə torpaqlarının dərinliklərinə, xüsusilə Aramco obyektlərinə ağrılı zərbələrindən sonra Ər-Riyad Yəməndəki müharibə bataqlığından çıxmaq ümidi ilə atəşkəsə boyun əymək məcburiyyətində qalıb.