Səudiyyə koalisiyası Yəməndə atəşkəs rejimini 172 dəfə pozub
Xəbər mənbələri çərşənbə günü səhər xəbər veriblər ki, Səudiyyə koalisiyası son 24 saat ərzində Yəməndə atəşkəs rejimini 172 dəfə pozub.
Əl-Məsirənin məlumatına görə, Səudiyyə koalisiyası Əl-Hədidə, Mərib, Taiz, Hiccə, Couf, Səədə, Zale, Əl-Bəyza əyalətləri və sərhəd əməliyyat oxları üzərində kəşfiyyat uçuşları həyata keçirərək atəşkəsi pozub.
Bu hesabatda əlavə olunur ki, Səudiyyə koalisiyasının silahlı kəşfiyyat təyyarəsi Zale əyalətinin Əl-Şamiriyyə bölgəsinə hücumu nəticəsində bir uşaq ölüb, daha bir nəfər yaralanıb.
Bu xəbərə görə, Səudiyyə koalisiya qüvvələri Əl-Hədidə, Mərib, Taiz, Hiccə, Səədə, Nəcran, Cizan və Zale əyalətlərində ordu qüvvələri və xalq komitələrinin mövqelərini, eləcə də Yəmən vətəndaşlarının evlərini ağır artilleriyadan, raket və minaatanlardan hədəfə alıblar.
Bu arada, Reuters xəbər agentliyi çərşənbə axşamı gecə BMT-nin Yəmən məsələləri üzrə xüsusi nümayəndəsi Hans Grundbergə istinadən xəbər verib ki, yəmənli tərəflər atəşkəs rejiminin 2 ay uzadılmasına razılaşıblar.
O deyib: Yəməndə atəşkəsin uzadılması tərəflərin daha geniş razılaşmaya nail olmaq üçün danışıqlar aparmaq öhdəliyini ehtiva edir.
Yəməndə təcavüzkar Səudiyyə koalisiyası tərəfindən dəfələrlə pozulan atəşkəs BMT məsləhətləşmələrindən əvvəl bir dəfə uzadılıb. Bu atəşkəsin 2 aylıq uzadılması avqustun 11-də başa çatıb, yenidən uzadılıb.
Bundan əvvəl Yəmənin Ali Siyasi Şurasının rəhbəri Mehdi Əl-Məşət demişdi ki, Səudiyyə koalisiyasının atəşkəsi dəfələrlə pozması nəticəsində Yəməndə atəşkəs demək olar ki, məhv edilib.
Səudiyyə Ərəbistanı BƏƏ də daxil olmaqla bir neçə ərəb ölkəsinin koalisiyası şəklində və ABŞ-ın köməyi və yaşıl işığı və sionist rejimin dəstəyi ilə Yəmənə – ən kasıb ərəb ölkəsinə qarşı genişmiqyaslı hücumlara başlayıb.
Səudiyyəlilərin gözləntilərinin əksinə olaraq, onların hücumları Yəmən xalqının güclü müqavimətilə üzləşib.
