Yəmənə qarşı 8 illik təcavüzün qurbanlarının son statistikası

Şənbə günü (bu gün) Yəmənin Səhiyyə Nazirliyi Səudiyyə koalisiyasının səkkiz illik təcavüzü zamanı ölkənin maliyyə və insan itkiləri ilə bağlı statistikanı təqdim edib.

Yəmənin Səhiyyə Nazirliyi bu gün (şənbə günü) Səudiyyə koalisiyasının hücumları nəticəsində 15 min 483 yəmənli mülki şəxsin şəhid olduğunu və 31 min 598 nəfərin yaralandığını və qurbanların 25%-nin qadın və uşaqlar olduğunu açıqlayıb.

Əl-Məsirənin məlumatına görə, Yəmənin Səhiyyə Nazirliyi 162 sağlamlıq mərkəzinin tamamilə, 373 mərkəzin isə qismən məhv edildiyini açıqlayıb.

Sözügedən xəbərin davamında bildirilib ki, təcavüzkar koalisiyasının birbaşa bombardmanları zamanı 66 tibb işçisi şəhid olub, 79 təcili tibbi yardım maşını məhv edilib. Koalisiya tibb işçilərinin və dövlət sektoru işçilərinin maaşlarını verməkdən imtina etməkdə davam edir.

Mühasirə qida çatışmazlığını artırıb və 5 yaşından kiçik 632 min uşaq və 1,5 hamilə və süd verən qadın qida çatışmazlığından əziyyət çəkir. Yəmənin səkkiz illik fasiləsiz mühasirəsində 40 320 hamilə qadın və 103 680 uşaq həlak olub.

Səudiyyə koalisiyasının blokadası və qadağan olunmuş silahlardan istifadə etməsi 12 min anadangəlmə anomaliyaların və 350 min uşaq düşməsi halının artmasına səbəb olub.

Yəmənin Səhiyyə Nazirliyi elan edib ki, mühasirə nəticəsində vaxtından əvvəl doğulmuş uşaqların doğulması hücumlardan əvvəlki ilə müqayisədə 8 faiz artaraq il ərzində 22 min 599-a çatıb. Həmçinin, müxtəlif şişlərdən əziyyət çəkənlərin sayı 2015-ci illə (Yəmənə hücumun başlanğıcı) ilə müqayisədə 50% artaraq 2021-ci ildə 14204-ə çatıb.