Laçında təxribat olub? – MN-dən açıqlama

“Azərbaycan Ordusunun bölmələri Laçın şəhəri, Zabux və Sus yaşayış məntəqələrini nəzarətə götürdükdən sonra bu ərazilərdə təxribat xarakterli fəaliyyətlər qeydə alınmayıb”.

Publika.az xəbər verir ki, bu fikirləri Müdafiə Nazirliyinin Mətbuat Xidmətinin rəis müavini, polkovnik-leytenant Anar Eyvazov deyib.

“Bölmələrimiz hər zaman istənilən təxribatın qarşısını almağa hazırdır. Təbii ki, biz təxribat deyəndə minaları nəzərə almırıq. Çünki biz bilirik ki, Laçın rayonu ərazisində çoxlu sayda minalar basdırılıb. Bunlar da mütəmadi olaraq aşkarlanır və utilizasiya edilir”, – MN rəsmisi qeyd edib.

Publika.az