Həşdi Şəbi minlərlə zəvvarın təhlükəsizliyini təmin edir
110-cu Həşdi Şəbi diviziyasının komandiri elan edib ki, 110-cu dviziyadan 500 nəfər Həşdi Şəbinin minlərlə digər hərbçiləri ilə birlikdə iranlı zəvvarların təhlükəsizliyinin təmin edilməsi planında iştirak edir.
İraqın Həşdi Şəbi Təşkilatının 110-cu Diviziyası bu şənbə günü iranlı zəvvarların Kərbəla vilayətinə gedən yolunun təhlükəsizlik planını öz üzərinə götürdüyünü açıqlayıb.
110-cu diviziya komandanı Zahir Həbib Əl-Məndəlavi Səfəq News-a deyib: “110-cu diviziyadan 500-dən çox hərbçi ordusunun minlərlə digər qüvvələri ilə birlikdə təhlükəsizliyin təmin edilməsi planında iştirak edir.”
Təhlükəsizliyin təmin edilməsinin Xanaqin sərhədlərindən “Humrəyn hövzəsi”nə qədər davam etdiyini bildirərək elan etdi: “Bu plana zəvvarların karvanlarının müşayiəti və Əl-Münzəriyə marşrutu boyunca təhlükəsizlik patrullarının yaradılması daxildir.”
Bu Həşdi Şəbi komandiri həmçinin bildirib ki, bu plan Ərbəin mərasiminin sonuna qədər və digər təhlükəsizlik qurumları ilə mütəşəkkil koordinasiya ilə davam edəcək.
İran İslam Respublikası və İraq bu yaxınlarda iranlı zəvvarların gündəlik və bir neçə yeni tarixdə gəlişinin təşkili üçün saziş və mexanizm imzalayıblar.
Bununla əlaqədar, İraq Gömrük Təşkilatının direktoru Əla Əl-Qeysi dünən (cümə) 44 mindən çox iranlı zəvvarın Zərbatiyyə (Mehran) və Şələmçeh sərhədindən ölkəyə daxil olduğunu açıqlayıb.
Bu İraq rəsmisi daha sonra bildirib ki, Ərbəin Hüseyni zəvvarlarının gəlişi üçün Zərbatiyyə, Şələmçeh və Əl-Münziriya (Xosrəvi) və Nəcəf Əşrəf hava limanı nəzərdə tutulub. Onun sözlərinə görə, Zərbatiyyə sərhədindən 30 min, Şalemçeh sərhədindən 14 min iranlı zəvvar İraq torpağına daxil olub.
Onun sözlərinə görə, zəvvarların gəlişi hər an artır və ötən saatlarda Əl-Mənzəriyə sərhədindən yüzlərlə iranlı İraqa daxil olub və yaxın 72 saat ərzində minlərlə insanın bu sərhəddən İraqa daxil olacağı gözlənilir.
Ötən çərşənbə günü İraqda baş verən son iğtişaşlar səbəbilə ölkə sərhədlərinin bağlanmasından sonra İran Gömrük İdarəsinin sözçüsü Seyid Ruhullah Lətifi İrandan İraqa zəvvarların gedişi üçün İran və İraqın bütün sərhədlərinin açıldığını açıqlayıb.
