Ermənistanın SƏRHƏD TƏXRİBATI: Paşinyan nə etmək istəyir?

Ermənistan son üç gündə dövlət sərhədində Azərbaycan mövqelərinə qarşı təxribatlar törədir. Brüssel görüşündən sonra erməni təxribatlarının yenidən artması səbəbsiz deyil və burada İrəvanın nail olmaq istədiyi iki mümkün hədəfi görünür.

Birincisi, Brüssel razılaşmasının icrasından yayınmaq: sülh sazişinin mətni üzərində işləyən işçi qruplar bir ay müddətində yaradılmalıdır; Ermənistan sərhəddə gərginliklə Azərbaycanı qarşıdurmaya sövq etmək, razılaşmanın praktiki mərhələdə icrasını uzatmaq istəyir;

İkincisi, Paşinyan “beynəlxalq müşahidəçi” təklifini yenidən aktuallaşdırmaq niyyətindədir: Laçın-Kəlbəcər istiqamətindəki sərhədin müəyyən edilməsinə qarşı çıxan erməni baş nazir bu bölgəyə üçüncü qüvvələrin “beynəlxalq müşahidəçi” adı altında yerləşdirilməsini təklif edirdi; Brüssel görüşündən sonra sərhədin bu istiqamətində gərginliyin yaradılması “beynəlxalq müşahidəçi” təklifinə əsas yaratmağa da hesablanıb; bununla sərhəd məsələsinin həl ediləcəyi Moskva masasında əlini gücləndirmək istəyir;

Proseslər sərhəddə gərginliyin genişlənə biləcəyi gözləntisini də artırır.

Publika.az