Suriya sahillərində batmış miqrant qayığının qurbanlarının sayı artıb

Suriya sahillərində batmış Livan qayığı qurbanlarının sayı 53-ə yüksəlib.

Suriyanın Tartus əyalətindəki tibb mənbəsinin bu cümə günü Almaniyanın “DPA” xəbər agentliyinə verdiyi məlumata görə, dünən cümə axşamı Suriya sahillərində batmış Livan qayığında həlak olanların sayı 53-ə çatıb.

Onun sözlərinə görə, bu qayıqda olan 17 sərnişin xilas edilib, 16 yaralı isə xəstəxanaya göndərilib.

Bu tibbi mənbə əlavə edib: Xilasetmə qrupları səhərin erkən saatlarından indiyə qədər Tartus şəhərinin təxminən 13 kilometr şimalındakı “Əl-Bəsirə” bölgəsində qadın və uşaqların da olduğu 17 boğulmuş adamın cəsədini tapıblar.

O, bildirib: Bütün zərərçəkənlər Səhiyyə Departamentinin və Suriya QırmızıAypara Cəmiyyətinin təcili yardım maşınları ilə Tartusdakı “Əl-Basal” xəstəxanasına aparılıb.

Bununla əlaqədar Tartus əyalətindəki mənbə bildirib ki, Livan qayığında həlak olanların axtarışını davam etdirmək üçün bütün xüsusi xilasetmə qrupları, Qırmızı Aypara, səhiyyə idarəsi və bütün aidiyyatı orqanlar səfərbər edilib.

O əlavə edib: Tripoli yaxınlığındakı “Əl Maniya” çimərliyini tərk edənlərin ümumi sayı 120 nəfərdən çoxdur ki, onların əksəriyyəti Suriya, Livan və Fələstin vətəndaşlarıdır.

Bundan əvvəl xəbər mənbələri cümə axşamı günü ən azı 150 qeyri-qanuni immiqrantı daşıyan Livan qayığının Suriya sahillərində batdığını açıqlamışdı.

 Rusiyanın Sputnik xəbər agentliyi cümə axşamı gecəsi Suriya mənbələrinə istinadən xəbər verir ki, bu qayıqda olan 40-a yaxın sərnişinin cəsədi indiyədək sudan çıxarılıb.

Suriya Sahil Mühafizəsindəki məlumat mənbələri Sputnik-ə bildiriblər: Bu Livan qayığı Suriya, Livan və Fələstindən olan mühacirləri daşıyırdı.

Qətərin Əl-Cəzirə kanalı da qeyri-qanuni mühacirləri daşıyan bu qayığın Livanın şimalından getdiyini açıqlayıb.