HƏMAS rəsmisi: Müqavimət işğalın kökü kəsilənə qədər davam edəcək

HƏMAS İslami Müqavimət Hərəkatının siyasi şöbəsinin müdir müavini Saleh Əl-Əruri çərşənbə günü gecə deyib: “Bu müqavimət bütün İordan çayının qərb sahilini əhatə edənə qədər davam edəcək və işğal olunmuş ərazilərin hər yerində onları tamamilə yox etmək üçün İsrail işğalçılarını hədəfə alacaq.”

Fələstin İnformasiya Mərkəzindən verdiyi xəbərə görə, Əl-Əruri jurnalistlərlə söhbətində əlavə edib: Müqavimətin birliyi və bütövlüyü davam edir və möhkəmlənəcək.

O vurğulayıb ki, sionist düşmənin İordan çayının qərb sahilində Fələstin xalqına qarşı cinayətlərinə fələstinlilərin ən böyük müqaviməti ilə cavab veriləcək.

Əl-Əruri Fələstin xalqını müdafiə etmək üçün İordan çayının qərb sahilindəki müqavimət qruplarının İsrailin işğalçı qüvvələrinə və köçkünlərə qarşı birləşməsinin zəruriliyini vurğulayıb.

HƏMAS-ın yüksək rütbəli rəsmisi İordan çayının qərb sahilindəki müqavimətin Məscidül-Əqsaya qarşı istənilən təcavüzün qəhrəmancasına müqavimət əməliyyatları və güllələrlə cavablandırılacağı mənasında yeni bir tənlik qurduğunu açıqlayıb.