İordan çayının qərb sahilində 6 fələstinlinin şəhid olmasından sonra ümummilli tətil
Nablus və Ramallah tarlalarında baş verən hadisələr və sionist qüvvələrin Nablus şəhərinə hücumunda altı fələstinlinin şəhid olması İordan çayının qərb sahili sakinlərinin ümummilli tətilinə səbəb olub.
Nablus və Ramallahda yaşayan fələstinlilər işğalçı rejimin Fələstin millətinə qarşı yeni cinayətini və 6 fələstinlinin şəhid olmasını pisləmək üçün İordan çayının qərb sahilində əyalətlərdə ümummilli tətilə başlayıblar.
Bazar ertəsi gecəsi (dünən gecə) sionist qüvvələrin İordan çayının qərb sahilinin Nablus şəhəri və Ramallah kəndlərindən birinə hücumu nəticəsində 6 fələstinli şəhid olub, 20 nəfər isə yaralanıb.
İordan çayının qərb sahilində yaşayan fələstinlilər də fələstinli qrupların dəvəti ilə İordan çayının qərb sahilinin şəhər, qəsəbə, kənd və düşərgələrinin küçələrində yürüş keçirərək sionistlərin bu cinayətini pisləyiblər.
Bu yürüşdə iştirak edənlər beynəlxalq ictimaiyyətin işğalçı rejimin davamlı cinayətlərinə qarşı susmasını pisləyib və fələstinlilərə beynəlxalq dəstək tələb ediblər.
Əl-Qüds Əl-Ərəbi qəzetinin məlumatına görə, Cenin, Hebron, Beyt-ləhm və Ramullahda fəallar və xalq müqavimət komitələri və fələstinli qruplar kütləvi nümayişlərə çağırıblar.
Digər tərəfdən, Fələstin Muxtariyyətinin rəsmi sözçüsü Nabil Aburdəynə sionist rejimin baş naziri Yair Lapidin açıqlamalarına reaksiya verib. Lapid deyib ki, “Mahmud Abbas öz təşkilatının sabitliyini istəyirsə, sahədəki vəziyyəti nəzarətə götürməlidir.”
Aburdəyna aydınlaşdırıb ki, vəziyyətin qeyri-sabit olmasının səbəbi istər işğalçı qüvvələr, istərsə də ekstremist mühacirlər tərəfindən sionist hücumlarının davam etməsidir.
O əlavə edib ki, qətllərin davam etməsi, Qüds və Hebronun müqəddəs yerlərinə dəfələrlə hücumlar, işğalçı rejim hakimiyyətinin birtərəfli hərəkətləri Fələstində vəziyyətin iflasa doğru getməsinə səbəb olub.
Digər tərəfdən, İslam, xristiyan Qüds və Müqəddəs məkanlara dəstək heyəti elan edib ki, sionist rejimin hərbi cinayətlər törətməkdə vəhşiliyi görünməmiş şəkildə artıb və bomba və raketlərlə vətəndaşların evlərini dağıdacaq həddə çatıb.
Həmçinin Fələstin Muxtariyyət Təşkilatının Xarici İşlər Nazirliyi sionistlərin 6 fələstinlinin şəhid edilməsilə bağlı törətdikləri yeni cinayəti pisləyib.
