Anbardakı güclü yanğının sahəsi sürətlə artır

Sankt-Peterburqda ərazisi iki saat ərzində altı dəfə artan böyük yanğının söndürülməsinə 150-yə yaxın adam cəlb olunub.

Lent.az xəbər verir ki, bu barədə Sankt-Peterburq Fövqəladə Hallar Nazirliyinin Baş İdarəsi məlumat yayıb.

İlk yanğınsöndürmə bölmələri gələnə qədər yanğının sahəsi 1000 kvadratmetr olub. 

Bir saatdan az müddətdə yanğının çətinlik dərəcəsi ikidən üçə yüksəldilib.

Hazırda binanın 6 min kvadratmetr sahəsinin artıq yanğına qərq olduğu məlumdur.

Yanğının söndürülməsinə 154 nəfər canlı qüvvə və 42 texnika cəlb olunub. 

Hadisənin səbəbləri və zərərçəkənlər barədə hələlik məlumat daxil olmayıb.
Lent.az