“Taliban” Əfqanıstanda qədim sinaqoqu və mikvanı bərpa edəcək

Əfqanıstana nəzarət edən “Taliban” hərəkatı hökuməti ölkənin Herat şəhərindəki qədim Yoava sinaqoqu və mikvanın (yəhudilikdə su hövzəsi) bərpa edəcəyini bildirib.

“Report” xəbər verir ki, bu barədə “Newsru.co” yayıb.

Məlumata görə, bu, Heratdakı 4 qədim sinaqoqdan biridir. Bu ibadət yeri 1393-cü ildə tikilib. Uzun illərdir təyinatı üzrə istifadə edilmir. Bildirilib ki, Əfqanıstanda yəhudi icması yoxdur. Axırıncı icma üzvləri 2021-ci ildə ölkəni tərk edib.

Bildirilib ki, ibadət yerinin bərpasına İsveçrədəki “Aliph” fondu 500 min dollara yaxın maliyyə vəsaiti ayırıb.

Report.az