Sionist rejimin Qəzzə zolağına hava hücumu/müqavimət qüvvələrinin zenit cavab tədbirləri

Fələstin Əl-Yəvm-ə istinadən verilən məlumata görə, fələstinli mənbələr cümə günü səhər sionist qırıcıların Qəzzə zolağında fələstinlilərin müqavimət mövqelərinə hücumunu elan ediblər.

Bu xəbərə görə, İsrail qırıcıları cümə günü səhər üç hava hücumu zamanı Qəzzə zolağının mərkəzində Fələstinin müqavimət mövqeyini hədəf alıb.

Bu mənbə əlavə edib: Sionist qırıcılar Qəzza zolağının səmasında müxtəlif hündürlüklərdə uçuşlarını davam etdirirlər və bu hücumlar heç bir itkiyə səbəb olmayıb.

Şahab xəbər agentliyi həmçinin sionist rejim qırıcılarının Qəzzə zolağında yerləşən Əl-Bəric düşərgəsindəki müqavimət mövqeyini bombaladığını bildirib.

Şahab xəbər agentliyi əlavə edib: Cümə günü səhər sionist qırıcıların bombardmanı Qəzzənin mərkəzindəki əl-Məğazi düşərgəsinin bir çox məntəqəsində elektrik enerjisinin kəsilməsinə səbəb olub.

Eyni zamanda, Fələstin müqavimətinin zenit qüvvələri Qəzzənin şimalında sionist qırıcıları hədəf almağa çalışıb.

Əl-Aləm kanalı sionist mənbələrə istinadən sionist rejimin Qəzzə zolağının şimal, cənub və mərkəzinə endirdiyi hava hücumlarından xəbər verib.

Qeyd edək ki, sionist rejimin sözçüsü cümə axşamı Qəzzə zolağından Qəzzəyə bitişik sionist yaşayış məntəqələri istiqamətində 3 raket atıldığını iddia edib.

Sionist Ordu Radiosu bildirib ki, Nirim, Eyn Haşulşa və Kisofim də daxil olmaqla Qəzzəyə bitişik sionist qəsəbələrində həyəcan təbili çalılıb.