Sionist rejim tərəfindən fələstinli döyüşçülərin evlərinin müsadirəsi və dağıdılması

Cənində anti-sionist əməliyyatı iştirakçılarının evlərinin sökülməsi əmri sionist hərbçilər tərəfindən verilib.

Fələstin İnformasiya Mərkəzinə istinadən verilən məlumata görə, sionist rejim tərəfindən Fələstin vətəndaşlarının ev və yaşayış yerlərinin dağıdılması davam edir.

Bununla əlaqədar olaraq sionist ordu elan edib ki, bu ordunun mərkəzi komandanlığı ötən 14 sentyabr müqavimət əməliyyatının iki lideri olan “Əbdürrəhman” və “Əhməd Abidin” evlərinin müsadirə edilməsi və dağıdılması barədə əmr imzalayıb. Həmin əməliyyatda bir sionistin öldürülmüşdü.

Bundan əvvəl bazar ertəsi sionist işğalçılar işğal altındakı Qüdsün şimalında Beyti-Həninə qəsəbəsində bir Fələstin vətəndaşının evini dağıdıblar. Bununla əlaqədar olaraq yerli mənbələr İsrail əsgərlərinin bir neçə ekskavatorla Beyti-Həninə qəsəbəsinə daxil olaraq tikintiyə icazə almamaq bəhanəsi ilə tikilməkdə olan bu evi dağıtdıqlarını açıqlayıb.

Daha əvvəl bildirilib ki, bazar ertəsi fələstinlilər üçün çox ağır gün olub, çünki sionist ekskavatorları çox fəal olub və müxtəlif bölgələrdə fələstinlilərə məxsus bir neçə evi dağıdıb.

Fələstin mənbələri də sionist qüvvələrin Nəqib səhrasındakı (işğal olunmuş ərazilərin cənubu) Umməl-Hiran kəndinə hücumu və bu ərazidə sionist qəsəbəsinin salınması prosesinin başlanmasının görüntülərini dərc ediblər.

Qeyd edək ki, sionist rejim uzun müddətdir ki, sionist qəsəbələri və ya hərbi bazaları yaratmaq üçün yaşayış məntəqələrini dağıdıb.

Bu arada Fələstin İslami Cihad hərəkatı bir bəyanatda sionist rejimin Fələstin vətəndaşlarının evlərinin dağıdılması cinayətini pisləməklə yanaşı, bu hərəkətin sionist rejimin müqavimətə qarşı məhv edilmiş imicini bərpa etmək üçün əbəs cəhd olduğunu bildirib.

İslami Cihad Hərəkatının bəyanatında deyilir: “Fələstin vətəndaşlarının evlərinin dağıdılması Fələstin millətinə qarşı kollektiv cəzalandırma siyasəti ilə həyata keçirilir və bu rejimin müqavimətə qarşı imicini məhv etmək üçün əbəs bir cəhddir.”

Fələstin İslami Cihadı əlavə edib: Sionist rejimin terroru dünya ictimaiyyətinə aşkar edilib, lakin bu terror heç bir reaksiya ilə üzləşmir.

Fələstin İslami Cihadı vurğulayıb ki, Fələstin xalqı düşmənə qarşı mübarizəsini davam etdirəcək və işğal olunmuş bütün ərazilərdə öz qanuni hüquqlarını müdafiə edəcək. Həmin bəyanatda əlavə edilib: “Bizim tolerant xalqımız düşmənlə onilliklər ərzində apardığı mübarizədə sübut etdi ki, evlərin dağıdılması siyasəti Fələstin vətəndaşları arasında müqavimət ruhunu zəiflətməyəcək.”