Səudiyyə Ərəbistanı Amerika vətəndaşını həbs edib

ABŞ Dövlət Departamenti Səudiyyə Ərəbistanında bir Amerika vətəndaşının həbs edildiyini açıqlayıb.

“Əl-Xəlic Online” xəbər saytı ABŞ Dövlət Departamentinin sözçüsünə istinadən Səudiyyə Ərəbistanının “Karli Morris” adlı Amerika vətəndaşını saxladığını yazıb.

ABŞ Xarici İşlər Nazirliyinin sözçüsü Ned Prays keçirdiyi mətbuat konfransında deyib: Vaşinqtonun Ər-Riyaddakı səfirliyi bu məsələni ciddi şəkildə araşdırır və vəziyyəti yaxından izləyir.

CNN tərəfindən yayımlanan mətbuat konfransında o, əlavə edib: “Biz Morrisin həbsi ilə bağlı xəbərlərdən xəbərdarıq və təbiidir ki, xaricdəki Amerika vətəndaşlarının təhlükəsizliyi bizim ən yüksək prioritetimizdir.”

Bundan əvvəl Amerikanın Associated Press xəbər agentliyi çərşənbə axşamı amerikalı qadının keçmiş səudiyyəli ərinin etirazına görə kiçik qızını Səudiyyə Ərəbistanından çıxararaq saxlandığını açıqlamışdı.

Xəbər agentliyi Amerikanın “Freedom Initiative” qrupuna istinadən yazıb: Morris bazar ertəsi şəhər mərkəzinin şimalındakı polis bölməsinə çağırılıb və Səudiyyə rəsmiləri hələ də onu azad etməyib.

Bu arada Amerika rəsmiləri Səudiyyə rəsmilərinin Morrisin həbsini təsdiqlədiyini bildiriblər.

Onlar bəyan ediblər ki, Amerika vətəndaşının səkkiz yaşlı qızını Səudiyyə Ərəbistanından çıxarmaq cəhdi Səudiyyə Ərəbistanının sərt qəyyumluq qanunları ilə çətinləşib.

AFP-nin məlumatına görə, Morris qızını atasının ailəsi ilə tanış etmək üçün 2019-cu ilin yayında qızı ilə Səudiyyə Ərəbistanına daxil olub, lakin o, orada ilişib və Səudiyyə Ərəbistanında qəyyumluq sistemi atalara övladları üzərində mütləq qəyyumluğa icazə verdiyi halda, hüquqi münaqişəyə girib.