İlk qadın prezident o oldu – Bu ölkədə

Qeyri-rəsmi nəticələrə görə, Sloveniya Pirat Partiyası və Avropa Yaşıllar Partiyasının dəstəklədiyi Nataşa Pirc Musar prezident seçkilərində 53,83 faiz səslə qalib gəlib.

Publika.az xəbər verir ki, Nataşa Musar ölkənin ilk qadın prezidenti olub.

Musarın rəqibi Sloveniya Demokratik Partiyasının (SDS) dəstəklədiyi müstəqil namizəd və keçmiş Xarici işlər naziri Anze Loqar hesablanan səslərin 46,17%-ni toplayıb. Seçici fəallığı 53 faiz olaraq qalıb.

Qeyd edək ki, 54 yaşlı Musar hüquqşünasdır və seçkidən əvvəl insan haqları, qanunun aliliyi və sosial rifahla bağlı kampaniya aparıb. Qeyd edək ki, oktyabrın 23-də Sloveniyada keçirilən prezident seçkilərində 7 namizəddən heç biri 50 faiz səs toplaya bilmədiyi üçün ikinci tur olub.

Publika.az