Səudiyyə Ərəbistanı Yəməndə muzdlu komandirlərinin ailələrini girov götürüb

Yəmən kəşfiyyat mənbələri Səudiyyə hökumətinin Yəməndəki muzdlu komandirlərinin ailələrini girov götürdüyünü açıqlayıb.

İRNA-nın məlumatına görə, Yəmənin Əl-Məsirə şəbəkəsi bu gün (çərşənbə axşamı) informasiya mənbələrinə istinadən xəbər verib ki, Səudiyyə Ərəbistanına bağlı yəmənli hərbi komandirlərin ailələri zorla Səudiyyə Ərəbistanının paytaxtı Ər-Riyada köçürülüb.

Şəbəkə əlavə edib ki, Səudiyyə Ərəbistanının koalisiya qüvvələri tərəfindən 3-cü Sərhəd Mühafizəsi Briqadasının Sərhəd Mühafizəsinin komandiri təyin etdiyi Süleyman Əli Həsən və müştərək əməliyyatlarda baş mütəxəssis olaraq təyin olunan Həmid Əs-Soumlinin ailələrinin köçürülməsi tələbi ilə bağlı sənədlər əldə edilib.

Hərbi kəşfiyyat mənbələri Səudiyyə Ərəbistanının BƏƏ-nin siyasətinə bənzər olaraq sadiq Yəmən əsgərlərinin ailələrini girov götürərək sahədəki muzdlu komandirlərə təzyiq göstərməyə çalışdığına diqqət çəkib.

Bu mənbələr Səudiyyə Ərəbistanının muzdlu komandirlərin ailələrinin təhvil verilməsi üçün tələb etdiyi siyahıda qəbilə başçılarının olduğunu və onların başında Yəmənin Mərib əyalətinin Ubeydə bölgəsindən olan “Əli Həsən bin Qərib”in olduğunu qeyd ediblər.

Yəmənin siyasi və hərbi müşahidəçiləri Səudiyyə Ərəbistanının bu hərəkətini yəmənli muzdlu hərbi komandirlərin ailələrinin girov götürülməsi adlandırıb və Ər-Riyadın əmrlərini yerinə yetirmək üçün bu səhra komandirlərinə edilən təzyiqlərdən hesab edib.

Səudiyyə Ərəbistanı BƏƏ də daxil olmaqla bir neçə ərəb ölkəsinin koalisiyası şəklində və ABŞ-ın köməyi və yaşıl işığı ilə Əbdi Rəbbih Mənsur Hadini geri qaytarmaq bəhanəsi ilə ən yoxsul ərəb ölkəsi olan Yəmənə qarşı 2014-cü ildən kütləvi hücumlara başlayıb.