Sionist rejimin tənqidçisi olan müsəlman nümayəndə Konqresdən qovulur

ABŞ Konqresinin Nümayəndələr Palatasının gələcək spikeri düşməncəsinə vədi ilə Minnesota Demokratik nümayəndəsi və sionist rejimin tənqidçisini Konqresin Xarici Əlaqələr Komitəsindən çıxaracağına söz verib.

Jerusalem Post-a istinadən verilən məlumata görə, böyük ehtimalla ABŞ Nümayəndələr Palatasının yeni spikeri olacaq Kevin Makkarti Minnesota ştatının müsəlman və Demokrat nümayəndəsi İlhan Öməri konqresdən çıxaracağını bildirib.

Partiyası Nümayəndələr Palatasına cüzi fərqlə nəzarəti ələ keçirən Kaliforniya əyalətinin Respublikaçı nümayəndəsi Makkarti deyib: Onun (Ömərin) mənim haqqımda dedikləri yadımdadır. Onun İsrail haqqında dediklərini də xatırlayıram. Çox yaxşı xatırlayıram və mən keçən il sizə söz vermişdim ki, o, artıq Xarici Əlaqələr Komitəsində olmayacaq və mən bu sözə əməl edəcəyəm.

Ömər daha əvvəl Vaşinqton-Tel-Əviv münasibətlərinə Konqresin daha çox nəzarət etməsini istəyib. Sionizm tərəfdarı lobbinin hissələrinə şifahi hücum etdikdən sonra o, Respublikaçılar və bəzi Demokratlar tərəfindən “antisemitizm” meyllərində ittiham edildi.

O, həmçinin sionist rejimə qarşı boykot kampaniyasını dəstəkləyib və tvitində Makkartinin sionist rejimə maliyyə yardımı üçün geniş dəstəyini tənqid edib və yazıb: “Bütün bu işlər Benyaminlilərə görədir.”

Ömərin bu tvitində nəzərdə tutduğu şey Amerikanın o zamankı sionist rejimin baş naziri Benyamin Netanyahuya maliyyə dəstəyidir. Bu yaxınlarda Knesset seçkilərində yerlərin əksəriyyətini qazanmış və baş nazir kürsüsünə qayıtmışdır.