11 sionist pilotun Misirdən qovulmasının təfərrüatları

İbrani mediası dünən axşam saatlarında Qahirənin 11 sionist pilotu Misirdən çıxarması ilə bağlı hərəkətinin yeni təfərrüatlarını dərc edib.

Bəzi İbrani KİV-ləri bu gün (24 noyabr cümə axşamı) Misirin çərşənbə günü bu ölkəyə yola düşmüş 11 israilli pilotu deportasiya etməsi və Qahirənin onların Misirə daxil olmasına mane olması ilə bağlı hərəkətinin yeni təfərrüatlarını dərc edib.

Sionist rejimin Kan telekanalı ötən gecə Misirin 11 sionist pilotu ölkədən çıxardığını bildirib.

Sionist rejimin “Kan” telekanalı bununla bağlı elan edib: “Misirdə baş verən hadisə, zahirən illərdir sülh müqaviləsi bağlamış iki ölkə arasında qeyri-adi hadisədir. İsrail pilotları dörd yüngül təyyarə ilə Misir hava məkanına daxil olduqdan sonra hələ də Misirdə qalıblar.

Bu telekanal iddia edib ki, sionist pilotlar əvvəllər çərşənbə günü axşam saatlarında yerə enmək üçün icazə alıb Misirin hava məkanına daxil olublar, lakin onların Misir ərazisinə daxil olmasına icazə verilməyib və Misir rəsmiləri onları dərhal ölkəni tərk etməyə məcbur ediblər.

Telekanal, həmçinin bildirib ki, sionist pilotlar uzun müddət gözlədikdən sonra Misirin “Milli təhlükəsizliyi” ilə bağlı səbəblərə görə onların təyyarələrinə qayıtmaları istənilib.

Lakin pilotlar işğal altındakı Fələstinə qayıtmaq üçün kifayət qədər yanacaqlarının olmadığını açıqlasa da, təyyarələrə yanacaq verilməsi tələbinə Misir tərəfi də etiraz edib və onlara yanacaq doldurmağa icazə verilməyib.

Bu xəbərə görə, misirlilər pilotları öz təyyarələri ilə Misiri tərk etməyə məcbur ediblər, lakin hava şəraiti bu təyyarələrin işğal olunmuş Fələstinə qayıtması üçün əlverişli olmayıb.

Bununla bağlı sionist rejimin Xarici İşlər Nazirliyi Misirdə sionist pilotların başına gələn hadisəni təsdiqləyərkən diplomatik mənbələr vasitəsilə “bu hadisə baş verib və İsrail rəsmiləri məsələni araşdırır” deyə elan edib.