Yəməndə mina və kaset bombaları nəticəsində 11 dinc sakin həlak olub

Yəmənin minalardan təmizləmə monitorinq mərkəzi çərşənbə gecəsi bildirib ki, Səudiyyə koalisiyasının hücumlarından qalan mina və kaset bombalarının partlaması nəticəsində noyabr ayında 11 dinc sakin həlak olub.

İRNA-nın Əl-Məsirəyə istinadən verdiyi məlumata görə, Yəmənin minalardan təmizlənməsinə nəzarət mərkəzi də Səudiyyə koalisiyasının noyabr ayında Yəmənə təcavüzündən qalan mina və kaset bombalarının partlaması nəticəsində 38 nəfərin yaralandığını açıqlayıb.

Bu hesabata əsasən, bu ilin əvvəlindən indiyədək təcavüzdən qalan mina və kaset bombalarının partlaması nəticəsində 230 yəmənli mülki şəxs həlak olub, 462 yəmənli isə yaralanıb.

Bu mərkəz vurğulamışdı ki, təcavüzkar koalisiya bomba və mina qalıqları ilə çirklənmiş əraziləri təmizləmək üçün lazım olan cihaz və avadanlıqların ölkəyə girişinin qarşısını alır və bu da qurbanların sayının artmasına səbəb olur.

Yəməndəki minaların təmizlənməsi üzrə monitorinq mərkəzi daha sonra elan edib ki, Birləşmiş Millətlər Təşkilatı bu əməliyyat üçün lazım olan avadanlığın təmin edilməsində heç bir yardım göstərməyib və onun Əl-Hədidə razılaşması üzrə monitorinq komitəsi də avadanlıqların təmin edilməsi ilə bağlı təcavüzkar koalisiyanın əməllərinə göz yumur.

Səudiyyə Ərəbistanı, BƏƏ də daxil olmaqla bir neçə ərəb ölkəsinin koalisiyası şəklində və ABŞ-ın köməyi və yaşıl işığı ilə 6 aprel 2014-cü ildən bu ölkənin istefa vermiş və fərari prezidenti Əbdi Rəbbih Mənsur Hadini geri qaytarmaq bəhanəsi ilə ən yoxsul ərəb ölkəsi olan Yəmənə qarşı kütləvi hücumlara başladı. Lakin Səudiyyə koalisiyası Yəmən xalqı və silahlı qüvvələrinin cəsarətli müqaviməti və xüsusi raket və pilotsuz təyyarə əməliyyatları nəticəsində bu məqsədlərə nail ola bilmədi.