Sionist rejimin təhlükəsizlik qurumlarına HƏMAS-ınsızması və təsiri davam edir
Sionist rejimin təhlükəsizlik və daxili kəşfiyyat idarəsi (Şin Bet) işğal olunmuş ərazilərdə çalışan fələstinli fəhlənin HƏMAS-a casusluq cinayətinə görə həbs edildiyini açıqlayıb.
Fələstin müqavimət qruplarının sionist rejimin kəşfiyyat və təhlükəsizlik strukturlarına sızma və nüfuz silsiləsi davam edir.
Bununla əlaqədar olaraq İsrailin daxili təhlükəsizlik və kəşfiyyat qurumu Qəzzədə yaşayan və işğal olunmuş ərazilər daxilində işləyən fələstinli fəhlə “Sabir Mahmud Yusuf Əbu Tabat”ın HƏMAS-a casusluq ittihamı ilə həbs edildiyini açıqlayıb.
Qəzzənin mərkəzindəki Deyr əl-Bələh şəhərinin 28 yaşlı sakini İsrailin həssas mərkəzlərindən məlumat toplamaqda və HƏMAS üçün Şin Bet agentləri və casuslarını müəyyən etmək məqsədi daşıyan missiyaları yerinə yetirməkdə ittiham olunur.
Mossad və Şin Betin son həbs silsiləsinin davamında bu vətəndaşın həbsi sionist rejimin kəşfiyyat və təhlükəsizlik strukturunun Fələstin müqavimət qruplarına qarşı həssaslıq səviyyəsinin artmasına dəlalət edir.
Qəzzədə yaşayan fələstinli fəhlələrin işğal olunmuş ərazilər daxilində mövcudluğu məsələsi son vaxtlar sionist rejimin kəşfiyyat və təhlükəsizlik qurumlarının rəhbərləri arasında mübahisəli məsələlərdən birinə çevrilib.
Tel-Əviv bu yaxınlarda işğal olunmuş ərazilərdə işləyən fələstinli işçilərin kvotasını gündə 17 min nəfərə qədər artırdığını açıqlamışdı. Bu kvota artımı sionist ordusunun tövsiyəsi ilə həyata keçirilib.
Ordu rəsmiləri iddia edirlər ki, işğal olunmuş ərazilərdə və Qəzzədə yaşayan işçilərin işləmək üçün varlığının artırılması İsrailin Qəzzə bölgəsindən təhlükəsizlik təhdidlərini azaldacaq və bu zolağın iqtisadi sabitliyini yaxşılaşdıracaq.
Şin Bet isə bu fikrin əleyhinədir və hesab edir ki, bu proses fələstinlilərin İsrail cəmiyyətinə nüfuz sürətini artıracaq və Fələstin müqavimət qruplarının İsrailin həssas mərkəzlərindən məlumat toplamaq üçün fəaliyyətini asanlaşdıracaq.
Keçən ay İsrail kəşfiyyat orqanları 2011-ci ildən İsrail telekommunikasiya şəbəkəsindən həssas və vacib məlumatları toplayan və sözügedən məlumatı HƏMAS-a ötürən HƏMAS kəşfiyyat elementlərinin işğal olunmuş ərazilərin telekommunikasiya şəbəkəsində geniş yayılmış və 10 illik təsirini üzə çıxarıb.
Bu informasiya qalmaqalı zamanı məlum olub ki, sızan şəxslər hətta gələcəkdə sionist rejimin Qəzzəyə qarşı hər hansı mümkün təcavüzü zamanı onun təkrarına hazırlaşmaq üçün İsrailin telekommunikasiya şəbəkələri daxilində təxribat simulyasiyası manevrləri keçirməyə cəhd ediblər.
