Türkiyədə bu tarixdən hoteldə qalmağa görə vergi tutulacaq

Türkiyədə yanvarın 1-dən etibarən hotellərdə, turizm kəndlərində, motellərdə, pansionatlarda, mehmanxanalarda, düşərgələrdə və digər yaşama obyektlərində turistlərə 2 faizlik vergi tətbiq ediləcək.

BAKU.WS-in məlumatına görə, bu barədə “Resmi gazete” məlumat yayıb.

Bununla belə, bu, hotellərin göstərdiyi xidmətlərin qiymətinə təsir etməyəcək.

Gündəlik gecələmələr üçün gecələməni başa vurmadan obyekti tərk etməyin vergiyə heç bir təsiri olmayacaq.

Bununla belə, yataqxana, pansionat və düşərgələrdə yaşayan təhsil alanlar və tələbələr, həmçinin Türkiyədə akkreditə olunmuş diplomatik nümayəndəliklərin və diplomatik statusu olan beynəlxalq təşkilatların nümayəndələri vergidən azad olunacaqlar.

Qeyd edək ki, Türkiyə rəhbərliyi yaşayış vergisinin tətbiq edilməsi barədə qərarı 2019-cu ildə versə də, koronavirus pandemiyası səbəbindən qərarın həyata keçirilməsi təxirə salınıb.

BAKU.WS