Fransadan Türkiyəyə qarşı təxribat: Bu ərazilər “Kürdüstan” kimi göstərildi
Publika.az “Milliyet” qəzetinə istinadən xəbər verir ki, telekanal Türkiyədə fəaliyyəti qadağan edilmiş Kürdüstan Fəhlə Partiyası (PKK) ilə bağlı süjetində ölkənin bir hissəsini “Kürdüstan” adlandırıb və PKK-nın guya yalnız Ankara tərəfindən terror təşkilatı kimi tanındığını bildirib. Nəşr yazır:
“Fransanın “France 24” telekanalı qalmaqallı xəbər təqdim edib. Xüsusi hazırlanmış xəbərlərdə Türkiyənin bir hissəsi “qondarma Kürdüstan” kimi göstərilib. Qalmaqal bununla da bitməyib. Qeyd edilib ki, PKK yalnız Türkiyə tərəfindən terror təşkilatı kimi tanınıb. PKK-ın Avropa Birliyinin terror təşkilatları siyahısında olması faktı qeyd olunmayıb. Qanlı terror təşkilatına açıq dəstək verilib”.
Publika.az
