Bolqarıstan Ukraynaya Su-25 qırıcıları verəcəyi barədə xəbəri təkzib edib
Bolqarıstan Müdafiə və Xarici İşlər nazirlikləri Ukraynaya vasitəçilərin köməyi ilə Su-25 təyyarələri göndərməsi barədə xəbəri təkzib edib.
APA xarici KİV-ə istinadən xəbər verir ki, bu barədə xarici işlər naziri Nikolay Milkov ayrıca açıqlama verib.
“Bu barədə ilk dəfə sizdən eşidirəm”, – nazir jurnalistin sualına cavab verib.
Bundan əvvəl, Bloomberg agentliyi Bolqarıstanın 14 Su-25 qırıcı təyyarəsini Ukraynaya göndərmək planları barədə yazmışdı.
Apa.az
